بصوا بقى يا قمرات يالله كشفت
انا روحت للدكتورة مش علشان انا تخينه لا بس انا مش بحب ازيد اوى
وبصراحه عملت ريجيمات كتير وبزيد تانى فقلت اروح بقى وغالى بغالى بس علشان ما ارجعش اتخن تانى المهم ركزوا بقى معايا كويس جدا
هاضحكم شويه انا روحت انا وماما الكشف بـ150 ج مصرى اوعوا تخضوا
المشكله بقى ان الاستشارة بــ 30 ج مصرى ودة الى نرفزنى جداا لقيت حوالى 5 او 6 داخلين مع بعض والدكتورة واقفه من ساعه مدخلت وباب غرفتها مفتوح وكلهم وزنوا وخدوا ورقه ريجيم جديدة وخرجوا بصراحه اتضايقت وحسيت ان فى استهتار كدة بالزباين لونهم دافعين فلوس ماعلينا
دخلت انا وماما
سالتنى شويه اسئله عن يومى وتحركاتى وطريقه اكلى ووزنتنى وادتنى ورقه ريجيم وبس
انا وماما نزلنا مصدومين لان الكشف مكنش زى ما تخيلنا لكن انا اديتها عذر انها فاهمه كويس بدليل اسئلتها ويمكن موضوع قياس الدهون مش يفرق معاها
روحت البيت حطيت الورق بتاعها وسكت ومعملتش ريجيم الكلام دة من اسبوع ويمكن حكيت لنهى
انى روحت
المهم امبارح مسكت الورق وقولت الــ150 ج خسارة هع هع شكلى هاروحلها انا واوختى سكينه نخطفوها ونخلصوا عليها بسبب حق الكشف هههههههههههه
طيب بصراحه لقيت ريجيمها مختلف وطريقتها مختلفه عن كل الى روحتلهم وابتديت انهاردة
خليكم معايا هاقولكم كل حاجة وطريقه الريجيم كمان بالتفصيل وطريقه اعداد الاكل حسب
تعليمات دكتورة مها راداميس
موضوع: ريجيم الدكتورة مها راداميس 
الأحد مايو 30, 2010 2:20 pm