الدكتورة ما علينا .... ولا مساس بأسعار الدواء

بسم الله الرحمن الرحيم
الدكتورة ما علينا طرحت فى مدونتها منذ فترة موضوع من الموضوعات التى تشغل كل انسان يمرض فى مصرنا الحبيبة ... وما دمنا كلنا نمرض ... فأعتقد أنه من المهم قراءة ما كتبت .......

خلى الشعب يعيش
Friday, January 19, 2007

لا مساس بأسعار الأدوية
ده كلام حكومتنا الموقرة فى جلستها الاخيرة قبل العيد الكبير و انا حقيقا اول مبسمع كلمة لا مساس ديه قلبى بيوجعنى و بيغنولى الاغنية الشهيرة " الواد قلبه بيوجعه ... عايز حد يدلعه " بس للاسف محدش بيدلع باخد على دماغى.

مش علشان لا قدر الله مش بثق فى حكو متنا الموقرة دى كلها شفافية و علشان اول لما يقولو مفيش مساس بسعر كذه قوم تانى يوم على طول و ساعات مش تانى يوم دا ليلتها بيزودو الاسعار الضعف و ساعات كمان بيسحبو البضاعة من السوق مااعلينا من كل الكلام ده

المهم الحكوفة الشفافة بتعاتنا المرة دى لعبتها صح استنت الناس فى اجازة العيد و راحت مغلية .اه طبعا مش حكومة الكترونية و القرية الذكية و افلام كده و الله حكومة كلها ابداعات لازم تدرس فى مناهج التعليم و يعملولها مادة خاصة علشان بقية الدول تستفيد احنا برده يهمنا مصلحة الامم و المجتمع الدولى

ساعتها كان نص سكان القاهرة لسه مرجعوش من البلد و النص التانى مأنتخ فى بيتهم من اثار عدوان اللحمة و الهبر. و هوووب تانى يوم
ارتفاع اسعار 60 دواء
مش قلنا شفافية و لا مساس ,لأ و كمان مش ادويةعادية جايين فى الجون سراحة لا تكتيك جامد يعنى مش لعب يعنى
دى ادوية السكر و الضغط اللى اكتر من نص الشعب بيعانى منها لييييه مش عارفة مع ان الحياة فل و رفاهية جامدة دا انتم اللى بتدلعوا

الناس لسه برده فى غيبوبة و مش فاهمة ايه الحصل كله من اللحمة باه قوم الحكومة باه فيه ايه يا شعب معرفناش ننكد عليكم
يعنى ادوية تغلى , انسولين و لبن مدعم ناقص من السوق و لسه ليكم نفس تعيدو طب خد وا باه دى علينا و على اعدائنا "اللى هم الشعب المرفهه يعنى"

ارتفاع اسعار 160 دواء الضعف تقريبا
دى باه ضربة معلم شركات الادوية تكسب ملايين و حكومتنا الشفافة ينوبها من الحب جواانب و اهو الشعب يتلهى فى الخناقات مع الصيادلة
ااه مهو كلو جه على دماغنا الناس مش مصدقانا ازاى الادوية تغلى فى يوم و ليلة و الضعف كمان احنا الصيادلة الغلابة : و الله ملناش ذنب دى تعليمات و لو مبيعناش كده يتخرب بيتنا و نقفل الصيدلية احسن

و بقنا نستخبى فى الصيدليات خوفا على حياتنا من الغضب الجماهيرى و الحكومة بصلنا من بعيد كدا " يالا احسن اولعوا فى بعض خليهم يتلهوا بعيد عن البلاوى اللى بتحصل كل يوم"

ولا عزاء لاصحاب امراض الضغط و السكر و القلب حد قلكم تعيوا

و الى لقاء فى حلقة قادمة من مسلسل لا مســـــــــاس

http://maa3lina.blogspot.com/2007/01/blog-post_19.html

وتظل بعض الأسئلة تراود الأذهان:الى متى ذا الارتفاع فى اسعار الدواء ؟ وما هى أسبابه؟
هل سيتم خصخصة العديد من شركات الأدوة المصرية وبيع بعض خطوط انتاجها؟؟

» ريجيم الدكتورة مها راداميس