بعشقك يامصر

والله يامصر انك لأحب الأوطان الي نفسي وأغلي مالدي في الدنيا .احبك بجنون وحبك يجري في دمي.احب
شوارعك واهلك واسمك وجوك وتاريخك وشموخك وجوك وحضارتك وعراقتك وعروبتك كل شيء احبه
فيكي.صدق الزعيم الخالد مصطفي كامل لو لم اكن مصريا لوددت ان أكون مصريا و أنا مثله في فخرة بمصريته.
لملمي جروحك يامصر ولا تحزني من ابنائك والمسيئين اليك فسنعود كما كنا وتفرحي بابنائك مهما طالت
الاحزان. بلادي يا شامخة انك اكبر هدية من الاله لي فليحمك ربي يا مهجة القلب من كل سوء .حبيبتي لا أجد
معاني تصف مدي حبي لك انا اعشقك بجنون فهل انت راضية عن حبي هذا ام تريدي ان اذوب حبا فيكي اكثر
من هذا. بحبك يامصر.
على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر .
على اسم مصر
ولما زماني رماني عليل
نسيت كل شيء عن حبيبي الجميل
لكن هو أبداً
انا مانساهوش
نسيت مشيته وصوته كان شكله إيه
ورسمة شفايفه
ولمسة إيديه
نسيت نظراته
نسيت لون عينيه
وقوس الحواجب وسهم الرموش
لكن هو أبداً
انا ما انساهوش
نسيت إسمه وحكايته وعرفته فين
وعشنا سوى العمر
والا يومين
وكان م البشر
والا طير بجناحين
نسيت حتى كان له وجود أو مالوش
لكين هو أبداً
أنا ما انساهوش .
مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال .هذه المقاطع لصلاح جاهين وتجعل عيناي تدمع عندما اقرأها.
ودي لأحمد فؤاد نجم :اتجمعوا العشاق
اتجمعوا العشاق في سجن القلعة … اتجمعوا العشاق في باب الخلق
و الشمس غنوة من الزنازن طالعة .. و مصر غنوة مفرعة في الحلق
تجمعوا العشاق بالزنزانة …. مهما يطول السجن مهما القهر
مهما يزيد الفجر بالسجانة .. مين اللي يقدر ساعة يحبس مصر .

مصر النهار في الميادين….مصر البكا….مصر الغنا والطين
مصر الشموس الهالة من الزنازين….هالة وطرحة بدمنا بساتين
مصر الجناين طرحة مين يقطفها….مصر الجناين للي يرفع سيفها
مهما يطول السجن مهما يطول القهر….مهما يزيد الفجر بالسجانة
مين اللي يقدر ساعة يحبس مصر

منقول