شوفوا ده هيبقي زي يوميات كده هيبقي كل يوم في تليفزيون مجموعة الرسالة
ويارب يعجبكم
( 1 )
أجازة سعيدة جداً
****************
كل يوم الصبح الواحد يقوم من النوم يصلى الفجر وينزل يروح الشغل ويرجع اخر النهار
طبعاً راجع من الشغل تعبان بياكل لقمه
ويقوم ينام عشان يعرف يصحى بدرى يصلى الفجر وينزل يروح الشغل ويرجع اخر النهار ياكل وينام
وهكذا ...........
كل يوم على نفس المنوال
لحد ماييجى يوم الجمعة -يوم الاجازة- الواحد مابيصدق ان يوم الجمعه ييجى عشان يستريح شوية
اخيراً هانام براحتى
اخيراً هاستريح شويه من زحمة المواصلات وقرف الشغل
اخيراً هاقعد شوية مع ولادى
..............
قوم يامنيل الساعه بقت تمانيه ونص
ياوليه سبينى أنام شويه انا تعبان
قوم بقى ياراجل عايزه اهوى الاوضه واطلع المراتب فى الشمس
طب شوية بس
لا مفيش شوية
اصحـــــــــى بقــــــــى _صرخة سمعتها كل سكان العماره-
يقوم محمد من النوم مذعور
وطى صوتك ياست هانم خرمتى ودانى
انا اسفه ياخويا سلامة ودانك
قوم بقى عشان نلحق نكنس الشقه ونوضبها عشان ماما جايه
ماما-يبلع ريقه بالعافيه- هيه جايه النهاردة !!!!!!
ايه شكلك مش مبسوط
لا مش مبسوط ازاى يعنى ده انا هاموت من الانبساط
شكلو هايبقى يوم منيل بنيله - يقولها محمد فى سره طبعاً وعلى وجهه ابتسامة بلهاء-
اه بحسب
قوم بقى هاتلنا عيش عشان نفطر
حاضر ياستى هاغسل وشى وانزل
نزل محمد وهو بيبرطم بكلام مش مفهوم ورجع بعد ساعه ليجد حماته شرفت
تجلس على كرسى الصالون
تنظر اليه وكأنها صياد ينظر الى فريسته فى ترقب
موضوع: حكايات زوج مخنوق 
الأحد مايو 30, 2010 11:50 am