طبعا هتستغربوا من عنوان البرنامج وعلى فكرة البرنامج ده مش موجود على التليفزيون ونفسى يتعرض عليه علشان بجد برنامج مهم جدا والحلقات هتثبت كده :
مصر من أجمل البلاد - دى أم الدنيا يا جماعة - ومحدش فى الدنيا يقدر ينكر كده بس للأسف " الحلو ميكملش "
فيه مشاكل موجودة فى البلد من جوه وده شئ طبيعى بس الأجمل اننا نحاول نحل المشاكل الموجودة جوه علشان نكون أجمل البلاد ومفيش أى حد يقول علينا كلمة وحشة
لأنى للأسف الشديد فيه بعض المصريين مش بيحبوا بلدهم وده سبب طبيعى لأنهم عايشين فى ظل المشاكل اللى أنا هاقول عليها فى البرنامج
فى البرنامج ده أنا هاعرض المشاكل وطبعا كل واحد يدخل يقول رأيه ويا ريت حلوله علشان نقضى على المشكلة دى وهاجمع الحلول وهاقولها مرة واحدة
بس بجد عايزة ردود بكل صراحة وكل اللى عايز يقول أى حاجة فى قلبه يقولها
أنا ان شاء الله هبدأ البرنامج أما أحس ان كل الناس متحمسة للفكرة دى
موضوع: تعالوا معايا نحل مشاكل مصر 
الأحد مايو 30, 2010 9:47 am